വനിതകള്‍ ഗൃഹനാഥരായിട്ടുള്ള കുടുംബങ്ങളിലെ കുട്ടികള്‍ക്ക് വിദ്യാഭ്യാസ ധനസഹായം
By ,
വനിതകള്‍ ഗൃഹനാഥരായിട്ടുള്ള കുടുംബങ്ങളിലെ കുട്ടികള്‍ക്ക് അര്‍ഹമായ ധനസഹായം നല്‍കി അവര്‍ക്ക് സ്വയം പര്യപ്തത നേടുന്നതിനും അവരെ സമൂഹത്തിന്റെ മുഖ്യധാരയിലേയ്ക്ക് എത്തിക്കുന്നതിനുമാണ് ഈ പദ്ധതി ലക്ഷ്യമിടുന്നത്.
ഈ പദ്ധതി പ്രകാരം ഒരു അദ്ധ്യായന വര്‍ഷത്തില്‍ അനുവദിക്കുന്ന തുക
- 5th ക്ലാസ്സ് വരെയുള്ള കുട്ടികള്‍ക്ക് ഒരദ്ധ്യായന വര്‍ഷം 3000/- രൂപ നല്‍കുന്നു.
- 6th ക്ലാസ് മുതല്‍10-ാം ക്ലാസ്സ് വരെയുള്ള കുട്ടികള്‍ക്ക് ഒരദ്ധ്യായന വര്‍ഷം 5000/- രൂപ നല്‍കുന്നു.
- +1, +2 ക്ലാസ്സുകളില്‍ പഠിക്കുന്നവര്‍ക്ക് 7500/- രൂപ നല്‍കുന്നു.
- ഡിഗ്രി തലത്തിലും അതിനു മുകളിലും പഠിക്കുന്ന വിദ്യാര്‍ത്ഥികള്‍ക്ക് 10000 രൂപ അനുവദിക്കുന്നു.
പദ്ധതി മാനദണ്ഡം
- അപേക്ഷകര്‍ മുന്‍ഗണനാ വിഭാഗത്തില്‍ (ബി.പി.എല്‍) ഉള്‍പ്പെട്ടവരായിരിക്കണം.
- വിദ്യാര്‍ത്ഥികള്‍ സര്‍ക്കാര്‍ സ്കുൂള്‍ /കോളേജുകളിലോ പഠിക്കുന്നവരായിരിക്കണം.
- വിവാഹ മോചിതര്‍, ഭര്‍ത്താവ് ഉപേക്ഷിച്ചവര്‍, ഭര്‍ത്താവിനെ കാണാതായി ഒരു വര്‍ഷം കഴിഞ്ഞവര്‍ എന്നിവരുടെ മക്കള്‍ ഈ ധനസഹായത്തിന് അര്‍ഹരാണ്.
- ഭര്‍ത്താവിന് നട്ടെല്ലിന് ക്ഷതമേറ്റ് /പക്ഷാഘാതം കാരണം ജോലി ചെയ്യുവാനും കുടുംബം പുലര്‍ത്തുവാനും കഴിയാത്തവിധം കിടപ്പിലായ കുടുംബങ്ങളിലെ വിദ്യാര്‍ത്ഥികള്‍ക്ക് ധനസഹായത്തിന് അര്‍ഹതയുണ്ട്. (സര്‍ക്കാര്‍ ഡോക്ടര്‍മാര്‍ നല്‍കുന്ന സര്‍ട്ടിഫിക്കറ്റ് ഹാജരാക്കണം.
- നിയമപരമായ വിവാഹത്തിലൂടെയല്ലാതെ അമ്മമാരായ വനിതകളുടെ മക്കള്‍ക്ക് വിദ്യാഭ്യാസ ധനസഹായത്തിന് അര്‍ഹതയുണ്ട്.
- HIV, AIDS ബാധിതര്‍ സാമൂഹികമായി വിവേചനം അനുഭവിക്കുന്നവര്‍ തുടങ്ങിയ കുടുംബത്തിലെ കുട്ടികള്‍ (APL) ധനസഹായത്തിന് അര്‍ഹരാണ്.
അപേക്ഷിക്കേണ്ട വിധവും ഹാജരാക്കേണ്ട രേഖകളും
- അപേക്ഷ ഫോറം (നിശ്ചിത മാതൃകയിലുള്ളത്.)
- മറ്റ് സ്കോളര്‍ഷിപ്പ് ഒന്നും ലഭിക്കുന്നില്ലായെന്നുള്ള വിദ്യാഭ്യാസ അധികാരിയുടെ സാക്ഷ്യപത്രം..
- മുന്‍ഗണനാ വിഭാഗത്തില്‍ ഉള്‍പ്പെടുന്നത് സംബന്ധിച്ച രേഖ (റേഷന്‍ കാര്‍ഡിന്റെ കോപ്പി)
- ഭര്‍ത്താവ് ഉപേക്ഷിച്ചത്/വിവാഹ മോചനം നേടിയത് /ഭര്‍ത്താവിനെ കാണാതായിട്ട് ഒരു വര്‍ഷം കഴിഞ്ഞത് സംബന്ധിച്ച് വില്ലേജ് ഓഫീസര്‍ നല്‍കുന്ന സാക്ഷ്യ പത്രം.
- അപേക്ഷകള്‍ ശിശു വികസന പദ്ധതി ഓഫീസര്‍മാര്‍ക്ക് സമര്‍പ്പിക്കേണ്ടതാണ്.