ഗര്‍ഭിണികളായ സ്ത്രീകളുടെയും മുലയുട്ടൂന്ന അമ്മമാരുടെയും പോഷണ നിലവാരം ഉയര്‍ത്തുക, ആരോഗ്യ പരിരക്ഷ ഉറപ്പാക്കുക എന്നീ ലക്ഷ്യങ്ങളോടെ വനിത ശിശു വികസന വകുപ്പ് വഴി നടപ്പിലാക്കിവരുന്ന കേന്ദ്രാവിഷ്കൃത പദ്ധതിയാണ് പ്രധാനമന്ത്രി മാതൃ വന്ദന യോജന(PMMVY). 2017 ജനുവരി മുതല്‍ ആരംഭിച്ച ഈ പദ്ധതി പ്രകാരം ആദ്യ പ്രസവത്തിനു 5000 രൂപ ധനസഹായം ഗുണഭോക്താക്കളുടെ ബാങ്ക് അക്കൌണ്ടിലേക്ക് നേരിട്ട് ലഭ്യമാക്കുന്നു.
പദ്ധതി മാനദണ്ഡങ്ങള്‍ക്ക് അനുസൃതമായി 3 ഗഡുക്കളായാണ് ആനുകൂല്യം ലഭ്യമാക്കുന്നത്. കേന്ദ്ര/സംസ്ഥാന സര്‍ക്കാര്‍ ജീവനക്കാര്‍, പൊതു മേഖല ജീവനക്കാര്‍ എന്നിവര്‍ ഒഴികെ മറ്റു പ്രസവാനുകൂല്യങ്ങള്‍ ഒന്നും ലഭിക്കാത്ത എല്ലാ സ്ത്രീകള്‍ക്കും അവരുടെ ആദ്യ പ്രസവത്തിനു ഈ പദ്ധതി പ്രകാരം ആനുകൂല്യത്തിനു അര്‍ഹതയുണ്ട്.
നിബന്ധനകള്‍
|
ഗഡു |
നിബന്ധന |
തുക |
|
ഒന്നാം ഗഡു |
അവസാന മാസമുറ തീയതി കഴിഞ്ഞു 150 ദിവസത്തിനകം ആരോഗ്യ കേന്ദ്രത്തിലോ, അങ്കണവാടിയിലോ രജിസ്റ്റര്‍ ചെയ്തിരിക്കണം |
1000 |
|
രണ്ടാം ഗഡു |
അവസാന മാസമുറ തീയതി കഴിഞ്ഞു ഒരു പരിശോധന എങ്കിലും നടത്തിയിരിക്കണം |
2000 |
|
മൂന്നാം ഗഡു |
ജനനം രജിസ്റ്റര്‍ ചെയ്ത് ആദ്യഘട്ട പ്രതിരോധ കുത്തിവൈയ്പ്പുകള്‍ പൂര്‍ത്തിയാക്കിയിരിക്കണം |
2000 |
അപേക്ഷ നല്‍കുന്നതിനായി അടുത്തുള്ള അങ്കണവാടി കേന്ദ്രവുമായി ബന്ധപ്പെടുക.